Shërbimet në mbarë botën, nga linjat ajrore deri te bankat, po përballen me ndërprerje për shkak të një sërë defektesh teknike pas një ndërprerjeje të raportuar nga kompania Microsoft, transmeton Anadolu.
Sipas Bloomberg, një zinxhir i rëndësishëm dështimesh u përhap nhga SHBA-ja në Azi pas njoftimit nga Microsoft për një ndërprerje që prek shërbimet online të kompanisë.
Kompanitë e mëdha si McDonald's, United Airlines dhe LSE Group përjetuan një sërë problemesh komunikimi me shërbimin ndaj klientit, duke theksuar një prirje më të gjerë që prek shumë korporata në të gjithë Japoninë, Indinë dhe SHBA-në.
Ndërprerjet ndodhën njëkohësisht me problemet teknike të kompanisë Microsoft, megjithëse shkaku i saktë i problemeve mbetet i paqartë.
Bloomberg raportoi se të paktën disa nga problemet erdhën nga softueri i sigurisë kibernetike CrowdStrike dhe zëdhënësi i Microsoft theksoi se kompania aktualisht është duke hetuar situatën.
/AA/Motilokal.com
