Gjatë vapës së verës, konsumimi i një sasie të mjaftueshme të lëngjeve është çelësi për të shmangur dehidratimin dhe më së shpeshti arrijmë për ujë.

Megjithatë, një ekspert ka zbuluar se cila pije është alternativa më e mirë se uji gjatë luftës kundër valës së të nxehtit. Sipas dr. Natasha Fernando nga Medichecks, qumështi do t'ju hidratojë më shumë se uji.

Sheqeri, proteina dhe yndyra në qumësht ngadalësojnë shpejtësinë me të cilën stomaku juaj zbraz lëngun, gjë që ju ndihmon të qëndroni të hidratuar për më gjatë.

“Qumështi gjithashtu përmban natrium, i cili lejon trupin tuaj të mbajë ujin, gjë që ndihmon në nivelet e hidratimit”, shpjegoi dr. Fernando.

Nuk është vetëm qumështi i lopës, por mund të jetë qumësht vegan ose pa laktozë. Po kështu, qumështi i sojës përmban elektrolite që ndihmojnë gjithashtu në hidratimin.

/Motilokal.com