Një gjykatës amerikan vendosi të hënën se Google ka shkelur ligjet antitrust duke shpenzuar miliarda dollarë për të krijuar një monopol të paligjshëm për t'u bërë motori i kërkimit të paracaktuar në botë, fitorja e parë e madhe federale kundër dominimit të tregut të gjigantëve të teknologjisë.

Vendimi i një gjykatësi të qarkut se Google ka një monopol të paligjshëm mbi kërkimin në internet përfaqëson një fitore historike, tha Departamenti i Drejtësisë i SHBA.

“Kjo fitore kundër Google është një fitore historike për popullin amerikan”, tha në një deklaratë Prokurori i Përgjithshëm i SHBA-së Merrick Garland.

Google shkeli ligjin duke u angazhuar në sjellje monopoliste mbi kërkimin në internet dhe reklamat e lidhura me të, vendosi të hënën një gjykatës qarku, fitorja e parë për autoritetet federale që kanë ngritur disa padi duke sfiduar dominimin e tregut të gjigantit të teknologjisë.

Departamenti Amerikan i Drejtësisë paditi Google për kontrollin e rreth 90 për qind të tregut të kërkimit në internet. Në vendim, gjykatësi deklaroi se Google kishte paguar miliarda për t'u siguruar që ishte motori i parazgjedhur i kërkimit në telefonat inteligjentë dhe kërkimet.

Google është një monopolist dhe veproi si një monopolist për të ruajtur monopolin e tij , tha gjykatësi i qarkut Amit Mehta në vendim.

Megjithëse është pothuajse e sigurt që Google do të apelojë vendimin dhe se mosmarrëveshja do të arrijë në Gjykatën e Lartë të SHBA-së, agjencia AP vlerëson se vendimi është i natyrës sizmike dhe se mund të ndryshojë internetin siç e njohim ne dhe të pengojë një kompanitë më të famshme në botë.

/Motilokal.com