Dita e parë e javës në Kosovë pritet të fillojë me mot kryesisht të kthjellët, ku dielli do të dominojë pjesën më të madhe të ditës, megjithëse nuk do të mungojnë vranësirat kalimtare. Megjithatë, që nga dita e martë, vendi do të përballet me një ndryshim të kushteve atmosferike, ku pritet një mot më i paqëndrueshëm. Në këtë periudhë, do të shfaqen rrebeshe shiu të shoqëruara me bubullima, veçanërisht në orët e mesditës dhe të pasdites.

E mërkura pritet të sjellë reshje të përkohshme shiu dhe bubullima, kryesisht gjatë orëve të para të ditës. Megjithatë, pas reshjeve, gjatë pasdites, do të kemi kthjellime dhe intervale me diell, duke ofruar një pushim të përkohshëm nga moti i paqëndrueshëm.

Për qytetarët, këshillohet të jenë të përgatitur për ndryshimet e papritura të motit, duke pasur parasysh që reshjet dhe bubullimat mund të ndodhin në çdo moment gjatë ditëve të ardhshme.

/Motilokal.com