Qeveria kanadeze njoftoi se do të vendosë një tarifë 100 për qind për importet e veturave elektrike nga Kina duke filluar nga 1 tetori, pas një lëvizjeje të fundit nga Shtetet e Bashkuara.

Në SHBA, Kanada dhe Evropë, ka shqetësime se automjetet elektrike të lira kineze do të vërshojnë tregjet e tyre dhe do të kërcënojnë prodhuesit dhe furnizuesit vendas.

Ata argumentojnë se kompanitë kineze po përfitojnë nga politika e mbikapacitetit të qeverisë dhe standardet më të dobëta për të mbrojtur punëtorët dhe mjedisin.

Në të njëjtën kohë, Otava njoftoi tarifa prej 25 për qind për produktet kineze të çelikut dhe aluminit. Ato hyjnë në fuqi më 15 tetor.

Ndërkohë, do të zhvillohen konsultime për veprimet e mundshme të mëtejshme të qeverisë për të mbrojtur sektorë të tjerë si bateritë, gjysmëpërçuesit, produktet diellore dhe mineralet kritike.

Është pothuajse e pamundur të blesh automjete elektrike kineze në Shtetet e Bashkuara dhe Kanada.

Në maj, qeveria amerikane vendosi tarifa shtesë prej 100 për qind për veturat elektrike nga Kina.

Komisioni Evropian ndoqi shembullin në qershor dhe përshkroi planet e veta që kërkojnë tarifa të ndryshme në varësi të prodhuesit kinez.

/Motilokal.com