Shërbimi i Kërkim-Shpëtimit Malor i Kosovës (ShKShMK) ka njoftuar se me datën 07.09.2024 ka pranuar një thirrje për ndihmë nga Shërbimi i Kërkim-Shpëtimit Malor të Shqipërisë (stacioni Valbonë) se një turist me shtetësi Lituaneze T.K  i lindur me 1990, kishte dalë nga bujtina me datën 06.09.2024 për t'u ngjiturën  majën e Rosit.

Sipas njoftimeve personi i lartpërmendur kishte planifikuar ngjitjen në majën e Rosit dhe kthimin në bujtinë duke lënë dokumentet dhe gjësendet e tjera private në bujtinë.

Për më shumë lexoni komunikatën:

Me datën 07.09.2024 ShKShMK ka pranuar një thirrje për ndihmë nga Shërbimi i Kërkim-Shpëtimit Malor të Shqipërisë (stacioni Valbonë).

Turisti me shtetësi Lituaneze T.K  i lindur me 1990, kishte dalur nga bujtina me datën 06.09.2024 për t'i ngjitur në majën e Rosit.

Personi i lartpërmendur kishte planifikuar ngjitjen në majën e Rosit dhe kthimin në bujtinë duke lënë dokumentet dhe gjësendet e tjera private në bujtinë.

Me të analizuar situatën dhe rrethanat e tjera së bashku me hetuesit e rastit është përfunduar që personi në fjalë ka humbur orientimin apo ka pësuar ndonjë aksident.

Bazuar në informacionin e verifikuar që plani i tij ka patur qëllim  ngjitjen e majës së Rosit, është organizuar një operacion i kërkimit nga ajri dhe toka përgjatë shtegut dhe perimetrit të majës.

Operacioni është zhvilluar në bashkëpunim dhe koordinim të ngushtë ndërmjet;

Shërbimi i Kërkim - Shpëtimit Malor i Shqipërisë

Policia e Shtetit

Forcat e Armatosura të Shqipërisë

Fatkeqësisht  akoma nuk është hasur në ndonjë gjurmë të tij.

Operacioni ka vazhduar edhe me datën 09.09.2024.

Tani për tani aksioni pezullohet deri në grumbullimin e informatave të tjera.

Në postim do ta gjeni edhe fotografinë e personit të humbur me informata të nevojshme.

Kushdo që ka informata apo dyshime luteni të na kontaktoni.

/Motilokal.com