Një nga mënyrat më të thjeshta për të forcuar imunitetin është marrja e mineraleve dhe vitaminave, veçanërisht në sezonin e ardhshëm të ftohjes dhe gripit. Prandaj, është e nevojshme të merren sasi të mjaftueshme të zinkut.

Zinku është një mineral që duhet konsumuar gjatë gjithë vitit, sidomos në ditët e ftohta, sepse atëherë organizmi është më i ndjeshëm ndaj viruseve dhe sëmundjeve.

Nutricionistja Amy Coodson i tha People pse është e rëndësishme të merret zink dhe në cilat ushqime gjendet. Ajo thekson se zinku është një mineral thelbësor që luan një rol kyç në shumë funksione trupore si shërimi i plagëve, sinteza e ADN-së dhe ndarja e qelizave.

Ky mineral është veçanërisht i rëndësishëm për imunitetin sepse ndihmon në aktivizimin e limfociteve T, të njohura edhe si qelizat T, të cilat janë vendimtare në mbrojtjen e trupit kundër patogjenëve.

Nutricionisti Jerlyn Jones e përshkroi zinkun si një mbrojtës imunitar që vepron si një antioksidant.

Për marrjen ditore të zinkut, doza e rekomanduar është tetë miligramë për femrat dhe 11 miligramë për meshkujt. Gratë shtatzëna kanë nevojë për 11 miligramë në ditë dhe nënat gjidhënëse 12 miligramë. Nëse dëshironi të merrni mjaftueshëm zink, mënyra më e mirë është përmes ushqimit.

Mishi i viçit, guaca deti, peshku, prodhimet e detit, vezët dhe produktet e qumështit spikasin ndër ushqimet që kanë mjaftueshëm zink. Vegjetarianët dhe veganët mund të gjejnë dozën e tyre ditore të zinkut në ushqime të tilla si fasulet, bishtajoret, arrat, farat, drithërat, thjerrëzat dhe tërshëra.

/Motilokal.com