Autoriteti Rrugor Shqiptar (ARRSH) përmes një komunikate ka njoftuar se gjatë natës dhe në orët e para të mëngjesit ka pasur reshje shiu me intensitet mesatar të shoqëruar me erë të fortë në zonën veriore duke sjellë rënie gurësh e inertesh të cilat janë pastruar menjëherë.
Në Bogë-Theth dhe në Hani i Hotit-Tamarë në lartësinë mbi 1200m ka pasur reshje bore.
Sipas ARRSH-së grupet e punës me mjetet borëpastruese janë në terren dhe bërë pastrimin e rrugës. Qarkullimi vijon normalisht në të gjitha akset.
ARRSH apelon te drejtuesit e mjeteve të kenë kujdes të shtuar gjatë drejtimit të mjetit për shkak të lagështisë në rrugë.
/Motilokal.com
