Aktivistja suedeze e klimës, Greta Thunberg gjatë një interviste ka thënë se ajo mund të ketë pasur simptoma të koronavirusit dhe është duke u izoluar për të parandaluar përhapjen.

17-vjeçarja suedeze mendon se mund ta ketë kontraktuar atë pasi ka qenë në udhëtime me tren përreth Evropës qendrore. Krahas babait të saj, aktorit Svante Thunberg, ajo ka qëndruar në shtëpi për dy javët e fundit pasi ka ndier simptoma duke përfshirë lodhje dhe kollitje.

Greta thotë se babai i saj e mori atë në të njëjtën kohë, por përshkruan përvojën e tij për virusin si "më të fortë" në krahasim me të.

"Unë nuk dua ta vë në rrezik askënd tjetër", thotë ajo, ndërsa u bën thirrje njerëzve të praktikojnë distancimin shoqëror kudo ku janë në botë.

Përmes postimit të saj, Thunberg ka përçuar dhe një mesazh ndërgjegjësimi për të rinjtë, të cilët janë dhe grupmosha më pak e rrezikuar nga vdekja por janë mbartës të një tjetër risku, atij të transmetimit të sëmundjes tek grupet me rrezikshmëri të lartë. 

“Ne, që nuk i përkasim grupit të rrezikut kemi një përgjegjësi shumë të madhe, veprimet tona mund të bëjnë diferencën midis jetës dhe vdekjes për shumë të tjerë”, u shpreh Thunberg.

Në këtë cicërimë, ajo thotë se "kriza klimatike dhe ekologjike është kriza më e madhe që njerëzimi është përballur ndonjëherë", por thekson se "tani për tani (sigurisht në varësi të vendit ku jetoni) do të duhet të gjejmë mënyra të reja për të krijuar vetëdijen e publikut dhe avokatit për ndryshim."/Motilokal.com