Nuk ka gjë më të mirë se sa të relaksoheni nën batanije në dimër, me serialin tuaj të preferuar dhe kënaqësinë perfekte padyshim do ta plotësojë një filxhan me çokollatë të nxehtë që e keni përgatitur vetë.

Për të përgatitur këtë çokollatë të nxehtë të shijshme, ju nevojiten 200 ml qumësht të plotë, 200 ml krem të ëmbël, 150 g çokollatë të zezë dhe një lugë e vogël sheqer kaf.

Në një tenxhere të mesme përziejmë qumështin dhe ajkën dhe e vendosim në zjarr mesatarisht të lartë. Kur përzierja të fillojë të vlojë, shtoni çokollatën e zezë dhe sheqerin, më pas përzieni butësisht derisa gjithçka të shkrihet dhe të trashet.

Kini kujdes të mos krijoni gunga. Sipas dëshirës mund të shtoni edhe kanellë, lëkurë portokalli, pak rum ose ndonjë përbërës tjetër që do të përmirësojë shijen.

Kur çokollata juaj e nxehtë të jetë gati, hidheni në filxhanë, dekorojeni me krem pana ose ëmbëlsira marshmallow dhe shijoni kënaqësinë e përsosur dimërore.

/Motilokal.com