Kompania e teknologjisë Google ndryshoi zyrtarisht emrin e Gjirit të Meksikës në Gjiri i Amerikës në aplikacionin e saj Hartat, pas një vendimi të iniciuar nga ish-presidenti amerikan Donald Trump.
Google sqaroi se brenda SHBA-së ndjek Sistemin e Informacionit të Emrave Gjeografikë të Shërbimit Gjeologjik të SHBA-së, i cili miratoi zyrtarisht ndryshimin e emrit që përfshin një pjesë të madhe të bregut lindor të Meksikës dhe jugut të SHBA-së.
Aktualisht, përdoruesit në SHBA shohin Gjirin e Amerikës, ndërsa ata në Meksikë vazhdojnë të shohin emrin origjinal. Përdoruesit jashtë këtyre dy vendeve e shohin emrin tradicional me emërtimin e ri në kllapa.
Ndërkohë, "Apple Maps" vazhdon të mbajë emrin origjinal.
Ky ndryshim ishte pjesë e një serie urdhrash ekzekutivë të nënshkruar nga Trump, mes të cilëve ishte edhe rikthimi i emrit të malit Denali në Alaska në "McKinley", siç ishte quajtur më parë.
/Motilokal.com
