Sipas të dhënave të mbledhura nga Anadolu, qendrat e të dhënave të korporatës Google në mbarë botën gjatë vitit 2024 kanë konsumuar pothuajse 22.7 miliardë litra.

“Raporti i Mjedisit 2024” i korporatës tregoi një rritje vjetore prej 8 për qind të konsumit të ujit, rritje e nxitur nga përparimet në funksionet e kërkimit, Inteligjencën Artificiale dhe projekte të tjera.

Inteligjenca artificiale mbetet faktori kryesor pas rritjes, me konsumin e ujit nga Google që u rrit me 20 për qind në vitin 2022.

Për të krahasuar, Turqia konsumoi 16.6 miliardë 63 miliardë litra në vitin 2022. Vetëm qendrat e të dhënave të Google përbënin gati një të tretën e kësaj shifre.

Rritja e vitit të kaluar u ndikua edhe nga konkurrenca e intensifikuar, veçanërisht nga sektori në rritje i Inteligjencës Artificiale në Kinë.

Shqetësimet klimatike dhe qendrat e të dhënave

Qendrat e të dhënave strehojnë sisteme të shumta kompjuterike dhe pajisje ruajtëse. Këto sisteme gjenerojnë nxehtësi gjatë funksionimit, duke kërkuar ftohje të gjerë për të ruajtur performancën.

Uji luan një rol vendimtar në këtë proces, por shumica e asaj që konsumojnë qendrat e të dhënave të Google është uji i pijshëm. Ndërsa ndryshimet klimatike intensifikohen dhe shqetësimet për mungesën e ujit rriten, mbështetja e industrisë tek uji është vënë nën shqyrtim.

Në të njëjtën kohë, qendrat e të dhënave po konsumojnë më shumë energji elektrike çdo vit.

Sipas Agjencisë Ndërkombëtare të Energjisë (IEA), zhvillimet e Inteligjencës Artificiale dhe kriptovalutave do të shtyjnë konsumin e energjisë së qendrës së të dhënave të dyfishohet deri në vitin 2026, duke u rritur nga 460 teravat në orë në 1 mijë teravat në orë.

Kjo shifër do të ishte gati dyfishi i konsumit vjetor të energjisë elektrike të Gjermanisë prej 507 teravat në orë.

/Motilokal.com