Telefonat inteligjentë të sotëm janë të mbushur me teknologji moderne nga hardueri dhe grafika që mund të rivalizojnë kompjuterët, kamerat që nuk kërkojnë më një aparat fotografik profesional, tek Inteligjenca Artificiale që mund të shkruajë email për ne, të krijojë fotot tona sipas dëshirave tona dhe di shumë mirë gjithçka për ne. Por përkundër të gjitha këtyre opsioneve dhe aftësive të avancuara, për shumë njerëz, diçka krejtësisht e ndryshme është në krye kur bëhet fjalë për telefonat, dhe kjo është - bateria. Më konkretisht, kapaciteti dhe kohëzgjatja e tij, sepse nuk ka kuptim të kesh një telefon të mbushur me teknologji moderne nëse nuk do të mund ta përdorësh kur të të duhet, sepse bateria të ka dështuar.

Pavarësisht nëse keni një telefon me bateri të fuqishme apo bateri me kapacitet më të vogël, ka disa truke të mbushjes që do t'ju ndihmojnë të ruani baterinë tuaj për aq kohë sa të jetë e mundur, ose të zgjasni jetëgjatësinë e saj.

Ne kemi shkruar disa herë për truke të tilla dhe duhet të dëgjoni patjetër një këshillë tjetër, nga personi që është në krye të zhvillimit të teknologjisë në një startup që zhvillon bateritë. Kompania në fjalë është Lionvolt dhe shefi i saj i teknologjisë Sandeep Unnikrishnan shpjegoi në një intervistë për media se si, për shkak të konsumit të brendshëm elektrokimik,  jetëgjatësia e baterive shkurtohet me kalimin e kohës. Fillimi i rënies së jetëgjatësisë së baterisë zakonisht ndodh pas dy deri në tre vjet dhe për të përfituar sa më shumë nga bateria juaj, Unnikrishnan jep katër këshillat e mëposhtme, ose më saktë shpjegon se çfarë duhet të shmangni.

Gabimi i parë është i mbushjes së baterisë në 100 për qind çdo herë, sepse kjo do ta dëmtojë baterinë në afat të gjatë, kështu që në vend të kësaj, mbajeni baterinë të ngarkuar midis 20 dhe 80 për qind gjatë gjithë ditës. Sigurisht, në varësi të punës dhe situatës, kjo nuk është gjithmonë e mundur, por nëse dëshironi që bateria juaj të zgjasë sa më gjatë, përpiquni ta mbani baterinë e telefonit në këtë nivel të mbushjes.

Prandaj, në vend që të mbushni gjatë natës, gjë që e praktikojnë shumë njerëz, është më mirë të mbushni baterinë gjatë ditës në mënyrë që të monitorohet kapaciteti i mbushjes së saj.

E dyta, e cila në thelb vijon nga këshilla e parë, është optimizimi i mbushje, i cili mund të aktivizohet në iPhone dhe Android. Duke aktivizuar këtë opsion, iPhone mëson nga rutina ditore e mbushjes së telefonit dhe mund të presë të mbushet mbi 80 për qind derisa përdoruesi t'i duhet.

Një gabim tjetër kundër të cilit ai paralajmëron është përdorimi i telefonit gjatë mbushjes, të cilin duhet ta shmangni. Ai shpjegon se temperatura e baterisë është jashtëzakonisht  e rëndësishme  për jetëgjatësinë e saj dhe se nxehtësia, si dhe të ftohtit ekstrem, mund të ndikojnë negativisht në kohëzgjatjen e saj. Përdorimi i pajisjes gjatë mbushjes krijon nxehtësi të tepërt dhe nxit degradimin kimik dhe gjithashtu nuk këshillohet ta mbani telefonin nën jastëk ose batanije, edhe për shkak të ngrohjes shtesë.

Këshilla e katërt e thjeshtë që do të ishte një ide e mirë për t'u ndjekur nëse duam ta mbajmë baterinë e telefonit tonë sa më të shëndetshme, ose nëse duam që ajo të zgjasë sa më gjatë, ka të bëjë me mbushës. Përkatësisht, ky ekspert këshillon përdorimin e mbushjes që vjen me vetë telefonin dhe që rekomandohet nga prodhuesi i telefonit. Përdorimi i mbushësve më të lirë dhe jo standard mbart rreziqe të ndryshme, duke përfshirë mundësinë e mbinxehjes.

/Motilokal.com