SEAT ka filluar prodhimin serik të crossover-it Arona me dy pjesë të bëra nga një material natyror dhe i rinovueshëm i quajtur Oryzite, i cili bazohet në nënprodukte të orizit.

Bëhet fjalë për dy elemente të dyshemesë së dyfishtë të bagazhit, të cilat tani përbëhen nga një biomaterial i zhvilluar në bashkëpunim mes Oryzite dhe SIGIT. Projekti u nis në vitin 2020 si pjesë e iniciativës Seat Innovation Days dhe pas disa vitesh kërkimesh, ka filluar prodhimi serik.

Në pamje të parë, hapësira e bagazhit të Arona-s duket e pandryshuar, por në vend të përbërjes së mëparshme me 100% polipropilen të përforcuar me fibra qelqi, tani përdoret një përzierje që përmban 15% Oryzite.

Sipas Gerard Suriol, inxhinier për dizajnin e brendshëm në SEAT, Arona përmban rreth 60 gram lëvore orizi, që përkthehet në rreth 5 ton në vit. Ky nënprodukt vjen nga fushat e orizit në deltën e lumit Ebro, një rezervat biosfere në Spanjën Lindore.

/Motilokal.com