Vlimi i përsëritur e ujit nuk paraqet rrezik të menjëhershëm për shumicën e rasteve të zakonshme, por ekspertët nuk e rekomandojnë, veçanërisht kur uji përdoret për pije apo gatim.

Kur uji vlohet një herë, ai bëhet më i sigurt për konsum, pasi shumica e baktereve dhe mikroorganizmave eliminohen. Megjithatë, nëse ky proces përsëritet disa herë, mund të ketë pasoja të padëshiruara për shëndetin.

Çfarë ndodh kur e vloni ujin disa herë?

Mineralet që në fillim janë të dobishme, si kalciumi apo magnezi, përqendrohen më shumë dhe mund të bëhen të dëmshme për organizmin.

Në enët ku uji vlohet, krijohet gurëz (mbetje minerale), i cili lidhet me formimin e gurëve në veshka.

Në zonat me ujë të fortë ose me ndotës, vlimi i përsëritur mund të përqendrojë substanca të rrezikshme dhe ta bëjë ujin më të dëmshëm.

Uji i vluar disa herë shpesh merr një shije të rëndë, metalike apo të ngurtë, e cila ndikon edhe në shijen e çajit, kafesë apo ushqimit.

Substancat potencialisht të rrezikshme që përqendrohen me vlimin e përsëritur:

Nitratet: Gjatë ekspozimit në temperatura të larta, shndërrohen në nitrozamina, substanca të lidhura me rrezikun e kancerit të lukthit, zorrës së trashë dhe vezoreve.

Fluoridet: Konsiderohen të rrezikshme sidomos për fëmijët, pasi ndikojnë negativisht në zhvillimin neurologjik dhe kognitiv. Studime kanë treguar lidhje me koeficient më të ulët inteligjence dhe fertilitet të reduktuar.

Arseniku: Një ndotës toksik që gjendet në disa burime uji për shkak të pesticideve dhe ndotjes së mjedisit. OBSH e konsideron arsenikun një nga rreziqet më serioze në ujin e pijshëm, i cili mund të shkaktojë helmime, diabet, probleme me tretjen dhe sëmundje të zemrës.

Kur është në rregull të vlohet uji disa herë?

Nëse përdorni ujë të filtruar mirë ose distiluar, zierja e përsëritur nuk paraqet rrezik.

Nëse uji vlohet vetëm për qëllime sterilizimi (dhe jo për konsum), nuk është shqetësim.

/Motilokal.com