Sigurisht, kjo është një shifër relative, pasi shumë varet nga klasa e veturës dhe madje edhe nga viti i prodhimit të saj.

Me siguri e keni pyetur veten të paktën një herë se sa kilometra mund të përshkoni në të vërtetë me automjetin tuaj pasi ndizet drita e karburantit.

Sigurisht, kjo është një shifër relative, pasi shumë varet nga klasa e veturës dhe madje edhe nga viti i prodhimit të saj.

Në të kaluarën, edhe automjetet e klasit qytet shpesh kishin kapacitet rezervuari karburanti prej gati 50 litrash, kështu që kur ndizej drita, ato mund të përshkonin rehat edhe njëqind kilometra të tjerë. Sot, ky kapacitet është i rezervuar për modelet më të mëdha SUV dhe sedan.

Nuk ka një rregull të përcaktuar në mënyrë strikte, por ekziston një referencë që mund ta përdorni si udhëzues dhe ajo është 10 për qind.

Në përgjithësi, prodhuesit ndajnë 10 për qind të kapacitetit të rezervuarit për rezervë, kështu që megjithëse është normale të jesh në ankth kur ndizet drita, nuk ke pse të bësh panik sepse ekziston ende një rezervë e caktuar që është e lehtë për t’u llogaritur.

E përsërisim, sigurisht, se e gjitha varet nga vetura (ose motoçikleta) që drejtoni, si për sa i përket kapacitetit të rezervuarit ashtu edhe konsumit të karburantit. Çdo rast është i ndryshëm, por ja një shembull mesatar:

Një veturë me një rezervuar 50 litrash do të kishte ende pesë litra karburant kur rezerva është e ndezur. Nëse konsumi real i karburantit është rreth gjashtë litra për 100 kilometra, do të keni ende mjaftueshëm për rreth 80 kilometra autonomi para se të mbaroni karburantin.

Së fundmi, duhet theksuar se është më mirë të mos prisni që të ndizet drita, por të shtoni karburant paraprakisht në mënyrë që pompa të mos tërheqë papastërti të caktuara nga fundi i rezervuarit.

/Motilokal.com