Alpinistja e njohur kosovare, Uta Ibrahimi, është rikthyer në atdhe pas përmbylljes së një prej misioneve më sfiduese në botën e alpinizmit, ngjitjes së 14 majave më të larta të globit.

Me këtë arritje madhështore, Uta bëhet pjesë e elitës ndërkombëtare të alpinizmit, duke e ngritur emrin e Kosovës në një tjetër lartësi, në hartën botërore të sporteve ekstreme.

Ministri në detyrë i Kulturës, Rinisë dhe Sportit, Hajrulla Çeku, i ka uruar mirëseardhje përmes një postimi në Facebook, duke e cilësuar suksesin e saj si historik.

“Mirë se erdhe, Uta. Uta është kthyer në shtëpi pas përfundimit të një prej rrugëtimeve më të jashtëzakonshme të saj – realizimit të projektit për ngjitjen e 14 majave më të larta në botë. Një arritje historike që e rendit atë mes alpinistëve më të mëdhenj në botë. Faleminderit, Uta, që e ngrite lart shtetin tone”, ka shkruar Çeku.

/Motilokal.com