Në vendin e punës ka rregulla të pashkruara që të gjithë punonjësit duhet t'i ndjekin, dhe njëra prej tyre lidhet me ushqimin. Më saktësisht, për konsumin e ushqimeve të caktuara në zyrë.

Të gjithë kemi përjetuar raste kur një nga kolegët tanë ha ushqim me një erë të pakëndshme, gjë që i shqetëson vërtet të gjithë përreth tij. Sipas etiketës, kjo duhet të shmanget rreptësisht.

Elizabeth Soos, themeluese e Shkollës së Etikës dhe Protokollit Auersmont, renditi disa nga ushqimet që nuk duhet t'i sillni në vendin e punës, duke përfshirë: peshkun, vezët, ushqimet që përmbajnë hudhër, lakrën, lulelakrën dhe brokolin.

Edhe nëse ushqimi juaj nuk ka erë të pakëndshme, mbani mend se mund të jeni duke ngrënë diçka që i shqetëson njerëzit përreth jush në ndonjë mënyrë tjetër, p.sh. përtypje dhe gëlltitje me zë të lartë.

"Patatet e skuqura, perimet e gjalla dhe krisurat mund t'i shpërqendrojnë kolegët tuaj ndërsa janë duke punuar", tha ajo.

/Motilokal.com