Nuk ka më verë në Evropë pa valë të nxehti. E vetmja ndryshim është sa zgjat dhe sa të larta janë temperaturat. Edhe pse ende nuk kemi hyrë në verë sipas kalendarit (meteorologjikisht filloi më 1 qershor), tashmë kemi parë temperaturat e verës në rajonin tonë.

Sipas një analizë të modeleve të motit që tregon se vala e parë e rëndësishme dhe potencialisht afatgjatë e të nxehtit mund të ndodhë në Evropën Perëndimore dhe Qendrore në mesin e qershorit.

Për ta bërë situatën edhe më “të rehatshme”, një kupolë nxehtësie që do të zhvillohet mbi Evropën veriore dhe qendrore deri në fund të javës do të sigurojë që temperaturat në Spanjë të kalojnë 40 gradët, ndërsa në vendin tonë ato mund të jenë mbi dhe deri në mesin e të 30-ave.

Kujtojmë se një kupolë termike funksionon si një kapak mbi një tenxhere. Presioni i lartë në atmosferën e sipërme bllokon ajrin e ngrohtë poshtë saj dhe e shtyn atë drejt tokës. Masa e ajrit bëhet më e ngrohtë në lartësi më të ulëta dhe jashtëzakonisht e nxehtë pranë sipërfaqes.

Në Kosovë, kulmi i valës së të nxehtit mund të filloj sërish të martën, më 17 qershor, kur temperaturat në pjesën më të madhe të vendit do të jenë mbi 30 gradë.

Ndërsa Shqipëria tashmë po përjeton valën e të nxehtit, ku temperaturat e ajrit sot janë deri në 34 gradë Celsius.

Megjithatë, vala e të nxehtit pritet të vazhdojë javën e ardhshme, gjë që do të rezultojë në mot të qëndrueshëm dhe të nxehtë në pjesën më të madhe të Evropës, përfshirë edhe rajonin tonë.

Pra, përgatituni për një fillim të nxehtë të verës kalendarike.

/Motilokal.com