Agjencia për Mbrojtjen e Mjedisit të Kosovës u bën thirrje të gjithë qytetarëve që të tregojnë kujdes të shtuar dhe vigjilencë maksimale për parandalimin e zjarreve në këto ditë me temperatura të larta.
Zjarret përbëjnë një rrezik serioz për jetën e njerëzve, pronën, mjedisin, si dhe për florën dhe faunën e vendit tonë. Rreziku është veçanërisht i lartë në zonat pyjore, bujqësore dhe hapësirat e pambikëqyrura.
Kujdes: Zjarrvëniet e qëllimshme janë vepër penale dhe ndëshkohen sipas ligjit.
Për çdo rast urgjent, lajmëroni menjëherë autoritetet në numrat pa pagesë:
• Qendra Operative Emergjente – 112
• Njësia e Zjarrfikësve – 193
• Policia e Kosovës – 192
• Ndihma e Shpejtë – 194
Agjencia falënderon të gjithë qytetarët që po kontribuojnë në mbrojtjen e mjedisit, jetës dhe pronës.
Çdo veprim i kujdesshëm bën dallimin në parandalimin dhe përballimin e zjarreve.
/Motilokal.com
