Vera sjell jo vetëm temperatura ekstreme, por edhe rreziqe të shtuar nga zjarret. Kjo është periudha kur thatësira dhe të nxehtit krijojnë kushte ideale për përhapjen e flakëve, të cilat shpeshherë shkaktohen jo vetëm nga faktorët natyrorë apo zjarrvënësit e qëllimshëm, por edhe nga pakujdesitë e përditshme.

Në Spanjë, agjentët e mbrojtjes së mjedisit në rajonin e Andaluzisë kanë dhënë një paralajmërim të pazakontë, por tejet të rëndësishëm: parkimi i veturave mbi barishte të thata mund të shkaktojë zjarr.

Ky rrezik lidhet me temperaturën e lartë që gjeneron sistemi i shkarkimit të gazrave në automjete, në veçanti katalizatori, një komponent që gjatë punës normale mund të arrijë temperatura mes 400 dhe 800°C.

Pas një udhëtimi, edhe pjesa e poshtme e makinës mund të jetë e nxehtë deri në 300°C, mjaftueshëm për ta ndezur barin e thatë në vetëm pak sekonda.

Prandaj, këshillohet që automjetet të parkohen vetëm në zona të dedikuara, larg çdo sipërfaqeje me bimësi të thatë, për të shmangur rrezikun e shkaktimit të zjarreve që mund të marrin përmasa të mëdha.

/Motilokal.com