Në qytetin Centerville, Ohio, është vënë në funksion një kamion i mbeturinave i pajisur me Inteligjencë Artificiale (AI), i cili kontrollon përmbajtjen e koshave të mbeturinave të qytetarëve për të zbuluar ndotjen dhe gabimet gjatë ndarjes së mbeturinave.

Kjo teknologji është pjesë e një iniciative më të gjerë për zbatimin e AI në menaxhimin e mbeturinave, me qëllim parandalimin e asaj që autoritetet e quajnë “mashtrim me mbeturina”.

Kamerat e vendosura në kamionë skanojnë përmbajtjen e koshave gjatë zbrazjes, ndërsa softueri me inteligjencë artificiale analizon imazhet dhe identifikon artikuj që nuk i përkasin kategorisë përkatëse të mbeturinave.

Nëse zbulohet një gabim, familjes i dërgohet automatikisht një letër informuese ku përshkruhen gabimet e bëra dhe jepen udhëzime për ndarjen korrekte të mbeturinave në të ardhmen, raporton media “The Drive”.

“Teknologjia na mundëson të përqendrohemi në zonat më problematike,” tha Wayne Davis, zyrtar lokal në Centerville.

“Reduktimi i kontaminimit në sistemin e riciklimit ndihmon në uljen e kostove të përpunimit,” shtoi ai.

Edhe pse projekti tashmë ka nisur, ende nuk është bërë e ditur se çfarë mase ndëshkuese do të merret ndaj qytetarëve që nuk respektojnë ndarjen e saktë të mbeturinave.

/Motilokal.com