Sezoni i pushimeve ka filluar me të vërtetë mirë dhe shumë njerëz tashmë po planifikojnë një arratisje nga jeta e përditshme dhe disa ditë pushime larg shtëpisë. Megjithatë, një nga pyetjet e zakonshme që i mundon dashamirësit e bimëve është se si t'i ruajnë lulet e tyre ndërsa janë larg?

Lajmi i mirë është se me pak përgatitje, mund të parandaloni vyshkjen e luleve. Konkretisht, disa orë para se të niseni për udhëtim, bimët duhet të ujiten me bollëk. Rekomandohet t'i vendosni në një vend që ka dritë të mjaftueshme natyrale, por nuk është i ekspozuar drejtpërdrejt ndaj diellit.

Nëse keni bimë me lule, hiqni të gjitha sythat dhe lulet para se t'i lini për të zvogëluar përdorimin e ujit. Përveç kësaj, mund t'i vendosni vazot në një hidrogel të lagur ose t'i rrethoni me një peshqir të lagur. Një shtresë zhavorri sipër dheut gjithashtu ndihmon në ruajtjen e lagështisë më gjatë.

Një tjetër mundësi praktike është përdorimi i një shisheje plastike. Mbusheni shishen me ujë, hapni disa vrima në kapak dhe ngjisni atë përmbys në tokë. Në këtë mënyrë, uji do ta lagë gradualisht bimën gjatë disa ditëve.

Nëse keni bimë që nuk kërkojnë shumë dritë, mund t’i shpërndani në një sfungjer të madh të zhytur në ujë dhe t’i vendosni në një lavaman ose vaskë. Në mënyrë të ngjashme, mund t’i vendosni në një vaskë të shtruar me një çarçaf të lagur, bimët do të thithin lagështinë përmes vrimave në fund të vazove.

/Motilokal.com