YKS1 One është një automjet elektrik konceptual, i gjatë rreth tre metra, i gjerë 1.2 metra dhe i lehtë, me vetëm 600 kilogramë.

I dizajnuar kryesisht për lëvizjen në trafikun urban, ai premton performancë të mirë edhe në rrugë rurale dhe autostrada.

Zakonisht, automjetet e vogla elektrike shquhen për miqësinë ndaj mjedisit, por rrallë ofrojnë një përvojë tërheqëse në drejtim.

Modeli One synon të jetë përjashtimi, një veturë njëvendëshe, e zhvilluar nga kompania holandeze YKS1, që sjell emocione të ngasjes dhe inovacion në dizajn.

Baza e automjetit është një kornizë tubulare e integruar brenda karrocerisë, ndërsa hyrja bëhet përmes dyerve të dyfishta, të ngjashme me ato të një makine konvencionale.

Ajo që e veçon One është teknologjia e këndelljes: kabina mund të anohet deri në 20 gradë gjatë kthesave, duke i dhënë ndjesinë e drejtimit të një motoçiklete.

Edhe pse kompania ende nuk ka zbuluar detaje për motorin, është përmendur një shpejtësi maksimale prej 130 km/h.

Rrezja e lëvizjes arrin deri në 350 kilometra, ndërsa One është i pajisur me jastëkë ajri, timon me formë katrore, kokpit digjital dhe hapësirë bagazhi.

Aktualisht, YKS1 është në kërkim të kapitalit për të zhvilluar një prototip funksional të këtij automjeti premtues.

/Motilokal.com