Shumë prej nesh e ndiejnë instinktivisht që sapo bie shiu, dëshira për t’u fshehur nën batanije dhe për të fjetur bëhet e pamposhtur.

Por pse na ndodh kjo? Ja tre arsye që e shpjegojnë këtë ndjesi të veçantë.

Tingujt e shiut na qetësojnë

Çdo pikë shiu që bie është si një notë muzike e butë. Ky “zë rozë”, një lloj zhurme e qetë dhe e këndshme për veshin, funksionon si një ninullë natyrale. Ashtu si fëshfërima e gjetheve apo valët e detit, tingulli i shiut qetëson trurin dhe përgatit trupin për gjumë.

Qielli i errët i stuhisë ndryshon trupin tonë

Kur re të dendura mbulojnë qiellin, prodhimi i serotoninë, hormoni që na mban energjikë dhe të lumtur, bie. Ndërkohë, melatonina, hormoni i gjumit, rritet. Trupi ynë e merr këtë si shenjë: është koha për të pushuar.

Lagështia na lodh

Ajri i ngarkuar me lagështi bëhet më i rëndë, dhe mushkëritë tona duhet të punojnë më shumë për të marrë oksigjen. Kjo shpjegon pse ndiheni më të lodhur dhe më pak energjikë gjatë ditëve me shi.

Nëse i përzieni këto tre elemente tingujt qetësues, errësira e qiellit dhe ajri i lagësht, nuk është çudi që shpesh dëshira për të fjetur shfaqet menjëherë sapo bie shiu.

/Motilokal.com