Pjesa e Evropës në prodhimin global të baterive për vetura elektrike ishte vetëm 13 për qind vitin e kaluar dhe ato u prodhuan pothuajse ekskluzivisht nga degët e kompanive kineze dhe koreano-jugore, tha Deloitte në një raport.

Vetëm një kompani me seli në BE prodhon bateri, dhe atë në një shkallë të kufizuar.

Pjesa e Kinës në prodhimin global është rreth 70 për qind, vëren firma konsulente.

Të ardhurat nga shitja e baterive të automjeteve elektrike në Evropë do të rriten në 54 miliardë euro deri në vitin 2030, nga 16 miliardë euro që ishin vitin e kaluar në vitin 2024, vlerësojnë ata.

Rreziqet dhe monopolizimi rajonal

Nëse Evropa nuk fillon të prodhojë më shumë bateri së shpejti, tregu i saj i automjeteve elektrike mund të zhytet edhe më thellë në varësi nga furnizuesit kinezë dhe të tjerë aziatikë.

Deloitte llogariti se Evropa duhet të prodhojë të paktën 40 për qind të baterive në botë nëse dëshiron të luajë një rol të rëndësishëm në atë sektor. Bateritë janë komponenti më i shtrenjtë i automjeteve elektrike, i cili përcakton kostot, performancën dhe gamën e drejtimit, kujtojnë ata.

Dominimi i Azisë në fakt përfaqëson një "monopolizim rajonal" të tregut, paralajmëron Deloitte, duke theksuar se prodhuesit evropianë të veturave mund të humbasin qasjen në teknologjitë më të fundit në kushte të tilla.

/Motilokal.com