Edhe pse është e zakonshme që macet të jetojnë deri në 15 vjet, disa raca janë veçanërisht të njohura për jetëgjatësinë e tyre. Përveç gjenetikës, jetëgjatësia e një maceje ndikohet ndjeshëm edhe nga kushtet e kujdesit dhe stili i jetës. Macet që jetojnë brenda dhe kanë një dietë të mirë shpesh jetojnë mbi 20 vjeç.

Macet që dalin jashtë shpesh ekspozohen ndaj rreziqeve të tilla si aksidentet rrugore, konfliktet me kafshë të tjera dhe sëmundje të ndryshme, të cilat mund ta shkurtojnë ndjeshëm jetëgjatësinë e tyre. Një dietë cilësore, me një burim proteinash si pula, gjeldeti ose viçi, gjithashtu ndihmon një mace të qëndrojë e shëndetshme për më gjatë.

Këto gjashtë raca macesh mund të jetojnë më gjatë:

Macja siameze, e dallueshme nga trupi i saj i hollë dhe shenjat e errëta në veshë dhe bisht, mund të jetojë nga 12 deri në 20 vjet. Këto mace janë sociale dhe të zëshme, dhe në përgjithësi nuk kanë probleme serioze shëndetësore.

Macja birmaneze është lozonjare dhe miqësore, dhe mund të jetojë nga 16 deri në 18 vjeç. Edhe pse është relativisht e shëndetshme, mund të ketë disa predispozita gjenetike ndaj sëmundjeve të caktuara.

Macja Savannah është një hibrid i servalit afrikan dhe maces shtëpiake. Ka një karakter të guximshëm dhe mund të jetojë nga 12 deri në 20 vjet. Rekomandohet për pronarë me përvojë.

Mau egjiptian njihet për qimet e tij me njolla dhe temperamentin e këndshëm, dhe mund të jetojë deri në 12 deri në 15 vjeç.

Ragdoll është një racë e qetë dhe e butë që i pëlqen të rrijë me njerëzit. Jeton rreth 15 vjet dhe mund të jetë e prirur ndaj problemeve të caktuara shëndetësore.

Macja ruse blu është e qetë dhe e rezervuar, por e përkushtuar ndaj familjes së saj dhe zakonisht jeton midis 15 dhe 20 vjetësh.

/Motilokal.com