Në traditën shqiptare, gjithmonë kemi pasur zakonet e mira të largojmë këpucët jashtë derës. Nuk ishte thjesht një rregull i zakonshëm, por një mënyrë për të mbajtur shtëpinë të pastër dhe energjinë e saj të freskët. Sot, shkenca tregon se ky zakon ka një arsye shumë konkrete: këpucët mund të bartin mijëra baktere dhe papastërti nga rruga drejt shtëpisë.

Një studim i Universitetit të Arizonës gjeti se mesatarisht një këpucë mban rreth 421,000 njësi bakteriale, dhe më shumë se 90% kalojnë menjëherë në dysheme. Këto mikroorganizma përfshijnë E. coli, Klebsiella, Serratia dhe madje edhe lloje që mund të shkaktojnë meningit.

Çfarë bartin këpucët tona çdo ditë: alergjenë, mbetje rrugore, karcinogjenë, kimikate nga bishtat e cigareve, pesticide, mikroplastikë, myk dhe shumë të tjera. Kur ecim brenda, mikrobet ngrihen në ajër dhe përfundojnë tek duart tona, fëmijët dhe kafshët shtëpiake.

Duke respektuar këtë zakon të vjetër, thjesht duke lënë këpucët jashtë, ne mund të ruajmë shëndetin dhe pastërtinë e shtëpisë, ashtu siç e bënin brezat tanë para nesh.

/Motilokal.com