Organizata Botërore e Shëndetësisë (OBSH) ka klasifikuar mishrat e përpunuar, përfshirë proshutën, salçiçet dhe mishin e konservuar, në Grupin 1 të kancerogjenëve për njerëzit. Ky klasifikim bazohet në prova të forta shkencore që lidhin konsumimin e këtyre produkteve me rritjen e rrezikut për kancer kolorektal.

OBSH thekson se proceset e përpunimit të mishit, si kriposja, kurimi, fermentimi dhe tymosja, janë faktorët kryesorë që e bëjnë këtë ushqim potencialisht të dëmshëm për shëndetin. Sipas studimeve, konsumimi i vetëm 50 gramëve mish të përpunuar në ditë lidhet me një rritje prej rreth 18 për qind të rrezikut për kancer kolorektal.

Organizata nënvizon se rreziku nuk lidhet me një recetë apo markë të caktuar, por me vetë teknologjinë e përpunimit të mishit. Ky rrezik krahasohet me atë të substancave të tjera të përfshira në Grupin 1, si tymi i duhanit dhe azbesti.

/Motilokal.com