Sot, tre skiatorë kanë hyrë për ski jashtë pistave zyrtare dhe të shënuara në Qendrën e Skive Brezovicë, duke shkaktuar një ortek bore.

Si pasojë e incidentit, dy skiatorë janë larguar nga vendngjarja, ndërsa një tjetër ka mbetur i lënduar në këmbë në majë të një piste të pashënuar. Falë reagimit të shpejtë dhe profesional të ekipit të shpëtimit të skive, skiatori i lënduar është evakuuar me siguri dhe është transportuar me ambulancë për trajtim mjekësor.

Ky veprim i papërgjegjshëm ka rrezikuar seriozisht jo vetëm jetën e skiatorëve, por edhe atë të ekipit të shpëtimit të Qendrës së Skive Brezovicë gjatë ndërhyrjes. Për incidentin është njoftuar policia.

/Motilokal.com