Qendra Kombëtare për Menaxhim Kufitar ka njoftuar se gjendja e rrugëve drejt pikave të kalimit kufitar është përgjithësisht e mirë dhe e kalueshme.
Sipas të dhënave të fundit, në shumicën e magjistraleve nuk ka borë, akull, mjegull apo rrëshqitje dheu. Rrugët Mitrovicë Bërnjak, Gjakovë Qafë Morinë, Gjakovë Qafë Prushit, Gjilan Dheu i Bardhë, Kaçanik Hani i Elezit, Podujevë Merdarë dhe Prizren Vërmicë janë të kalueshme pa pengesa.
Megjithatë, në disa segmente është raportuar prani e borës dhe akullit. Rruga Pejë Kullë ka borë dhe mjegull, ndërsa në aksin Prishtinë Mutivodë ka borë dhe akull, çka kërkon kujdes të shtuar nga drejtuesit e automjeteve.
Policia e Kosovës u bën thirrje shoferëve të tregojnë kujdes të shtuar, pasi kushtet atmosferike dhe reshjet e borës kanë vështirësuar qarkullimin në disa akse rrugore. Trafiku në disa segmente, sidomos në rrugët nacionale dhe rajonale, është më i vështirë për shkak të borës, ngricave dhe dukshmërisë së reduktuar.
/Motilokal.com
