Stuhia “Leo” goditi sot Spanjën dhe Portugalinë, gjë që ndodhi një javë pas stuhisë “Kristin”, e cila shkaktoi dëme të mëdha materiale në të gjithë Gadishullin Iberik.

Agjencia shtetërore meteorologjike spanjolle AEMET ka parashikuar se mali Sierra Grazalema, në jug të vendit, mund të marrë një sasi shiu të barabartë me sasinë e shiut që bie gjatë gjithë vitit. Zyrtarët janë të shqetësuar për një rrezik në rritje të përmbytjeve, pasi toka është e ngopur pas shirave të rrëmbyeshëm të muajit të kaluar.

Konkretisht, sasia e reshjeve muajin e kaluar në Spanjë ishte 119.3 litra për metër katror, që është 85 për qind mbi mesataren për periudhën nga viti 1992 deri në vitin 2020. Kjo e bën këtë janar të dytën më të lagësht në shekullin e 21-të në Spanjë.

Qeveria rajonale e rajonit jugor spanjoll të Andaluzisë u bëri thirrje banorëve të mos udhëtojnë përveç nëse është absolutisht e nevojshme. Mësimi në shumë shkolla është pezulluar ndërsa ushtria është në gatishmëri. Tre mijë persona u evakuuan nga zonat me rrezikun më të lartë, përkatësisht Grazalema, Campo de Gibraltar, Ronda dhe Jaen.

Niveli më i lartë i përgatitjes është në Portugali sepse pritet një situatë komplekse meteorologjike, raporton Reuters.

/Motilokal.com