Rruga në aksin Qafë Thore–Theth është bllokuar plotësisht pas rënies së ortekëve pranë tuneleve panoramike, duke detyruar ndërprerjen e qarkullimit për arsye sigurie.
Sipas Autoriteti Rrugor Shqiptar, edhe pse është ndërhyrë me freza për pastrimin e borës, hapja e rrugës nuk ka qenë e mundur, pasi ortekët vazhdojnë të jenë aktivë dhe paraqesin rrezik për ekipet në terren.
Për pasojë, trafiku në zonën e Qafë Thores mbetet i ndaluar deri në stabilizimin e kushteve dhe ndërprerjen e rënies së ortekëve.
Drejtuesve të mjeteve u kërkohet të respektojnë sinjalistikën, të shmangin këtë aks dhe të ndjekin njoftimet zyrtare për çdo ndryshim.
/Motilokal.com
