Autoriteti Rrugor Shqiptar ka njoftuar se gjatë gjithë natës është punuar pa ndërprerje në Qafë Thore për zhbllokimin e rrugës së mbuluar nga bora.
Sipas njoftimit, temperaturat e ulëta, që kanë zbritur deri në minus 10 gradë Celsius, kanë ndihmuar në stabilizimin e borës, duke mundësuar vazhdimin e operacioneve për hapjen e aksit.
Tashmë është bërë e mundur hapja e rrugës nga Thethi në drejtim të Bogës, ndërsa ka nisur edhe lëvizja e mjeteve.
Kontraktori i mirëmbajtjes po vazhdon punën në terren me borëpastruese, duke bërë kriposjen dhe zgjerimin e rrugës, me synim garantimin e qarkullimit sa më të sigurt.
Autoritetet u bëjnë thirrje drejtuesve të mjeteve të tregojnë kujdes të shtuar dhe të jenë të pajisur me zinxhirë gjatë qarkullimit në këtë segment rrugor.
/Motilokal.com
