Ministri i Mjedisit i Shqipërisë, Sofjan Jaupaj, zhvilloi një takim rajonal me përfaqësues nga Shqipëria, Bosnje-Hercegovina dhe Mali i Zi, bashkë me partnerë ndërkombëtarë, për të forcuar bashkëpunimin në çështjet mjedisore në rajonin e Mesdheut.

Ai theksoi se kjo platformë synon bashkëpunim më të ngushtë për sfidat mjedisore, të cilat kërkojnë zgjidhje afatgjata, pasi mjedisi nuk njeh kufij.

Sipas tij, ky angazhim lidhet drejtpërdrejt me rrugën e vendit drejt Bashkimi Evropian dhe me përpjekjet për zhvillim të qëndrueshëm, duke kaluar nga politika të ndara në qasje më të integruara dhe më efektive.

Jaupaj shtoi se rajoni është në një moment të rëndësishëm, ku sfidat mjedisore lidhen ngushtë me ato ekonomike dhe sociale, duke e bërë bashkëpunimin mes vendeve të domosdoshëm.

Në këtë drejtim, iniciativa MedProgramme u vlerësua si kyçe për një të ardhme më të qëndrueshme për qytetarët dhe mjedisin.

Ai përfundoi se Shqipëria mbetet e përkushtuar për forcimin e politikave mjedisore dhe përmbushjen e standardeve evropiane në këtë fushë.

/Motilokal.com