Stuhia që goditi Kroacinë Veriore të martën  goditi rëndë edhe Italinë.

Zjarrfikësit iu përgjigjën më shumë se 90 incidenteve në rajonin e Venetos për shkak të kushteve të këqija të motit. Në të gjithë rajonin, binte shi i rrëmbyeshëm, breshër dhe gjithçka u shoqërua me erëra të forta.

Verona është goditur veçanërisht rëndë, raporton Ansa.it.

Në Verona pati 40 thirrje për pemë të rrëzuara dhe çati të shkulura nga era dhe shiu. Qyteti u godit veçanërisht rëndë.

Presidenti i rajonit të Venetos, Luca Zaia, i cili është gjithashtu ish-ministër i bujqësisë, publikoi një video të tmerrshme të erës që rrëzon çatinë e një qendre tregtare. Personi që filmonte arriti të fshihej në momentin e fundit në mënyrë që pjesë të çatisë të mos e godisnin.

Përveç Veronës, stuhia goditi edhe Venecian, Padovën, Trevizon dhe Vicencën. Pemë të rrëzuara, çati të dëmtuara dhe përmbytje janë vetëm disa nga pasojat.

"Mendimet e mia janë me familjet, fermerët dhe të gjithë ata që po përballen me pasojat e kësaj kohe të vështirë . Falënderimet e mia të përzemërta për zjarrfikësit, mbrojtjen civile, policinë dhe të gjithë punëtorët që po punojnë pa u lodhur për të siguruar sigurinë, ndihmën dhe ndërhyrjet në kohë në të gjithë rajonin", shkroi Zaia.

/Motilokal.com