Përveçse është i ëmbël dhe lëngshëm, shalqiri ka edhe një sërë përfitimesh shëndetësore. Ja disa prej tyre:

Mbron zemrën

Shalqiri është një burim i pasur me lëndë ushqyese që mbrojnë zemrën, siç janë vitamina C dhe fitonutrienti karotenoid likopeni, i cili i jep ngjyrën karakteristike të kuqërremtë-rozë. Likopeni, së bashku me beta-karotenin dhe vitaminën A, siguron mbrojtje të fortë antioksiduese kundër dëmtimit të strukturave qelizore të shkaktuara nga radikalet e lira.

Shalqiri është një burim i mirë i magnezit dhe kaliumit, minerale që njihen për ndihmën në ruajtjen e presionit normal të gjakut, si dhe një burim shumë i mirë i vitaminës B6, e cila kontribuon në ruajtjen e nivelit të duhur të homocisteinës në trup.

Mund të ndihmojë në dhomën e gjumit

Shalqiri mund të jetë një aleat për burrat sepse ndihmon në ruajtjen e një ereksioni. Është i pasur me përbërës natyralë që stimulojnë reaksione të shëndetshme në trup. Njëri prej tyre është citrullina, e cila ndikon në çlirimin e oksidit nitrik në trup. Kjo kontribuon në relaksimin e enëve të gjakut, ngjashëm me efektin e ilaçeve për mosfunksionimin erektil.

Kontribuon në humbjen e peshës

Përbëhet nga deri në 92 për qind ujë, prandaj është një ushqim i shkëlqyer për rregullimin e peshës trupore. Ekziston edhe e ashtuquajtura dietë me shalqi që zgjat nga nëntë deri në 13 ditë. Gjatë fazës së parë, e cila zgjat tre ditë, hahet vetëm shalqi. Në fazën e dytë, gradualisht futen ushqime të tjera, ndërsa shalqiri përdoret si meze e lehtë.

I ulët në kalori, por me indeks të lartë glicemik

Edhe pse është i pasur me lëndë ushqyese dhe me pak kalori, një filxhan shalqi përmban vetëm rreth 49 kalori. Megjithatë, ai ka një indeks të lartë glicemik, kështu që njerëzit e ndjeshëm ndaj ndryshimeve të papritura të niveleve të sheqerit në gjak duhet të jenë të kujdesshëm dhe ta kombinojnë atë me ushqime me indeks të ulët glicemik.

Antioksidant i fuqishëm

Shalqiri është i pasur me vitaminë C, ndihmon në pastrimin e veshkave dhe sistemit urinar dhe përmban deri në 93 për qind ujë. Pikërisht për këtë arsye është një aleat i shkëlqyer në detoksifikimin e trupit dhe humbjen e peshës.

Përveç kësaj, përmban acide yndyrore thelbësore omega-6 dhe omega-9, zink dhe likopen. Falë kësaj, shalqiri mund të kontribuojë në kujdesin natyral të lëkurës, sepse hidraton, tonifikon dhe ndihmon në rikuperimin e lëkurës, si dhe në lehtësimin e akneve dhe djegieve nga dielli.

Zvogëlon rrezikun e sëmundjes së mishrave të dhëmbëve

Sëmundja periodontale mund të çojë në humbjen e dhëmbëve, infeksione dhe shoqërohet me probleme të tjera shëndetësore, duke përfshirë sëmundjet e zemrës.

Higjiena e duhur orale dhe vizitat e rregullta te dentisti janë më të rëndësishmet në parandalimin e sëmundjeve të mishrave të dhëmbëve, por një marrje e mjaftueshme e vitaminës C mund të ndihmojë në ngadalësimin e zhvillimit dhe përkeqësimit të këtyre sëmundjeve. Shalqiri është një burim i shkëlqyer i kësaj vitamine.

Kontribuon në shëndetin e veshkave

Çdo ditë ne ekspozohemi ndaj toksinave të ndryshme që hyjnë në trup përmes ushqimit, pijeve dhe ajrit, dhe detyra e veshkave është t'i eliminojë ato.

Kalciumi dhe kaliumi kontribuojnë në eliminimin e toksinave nga trupi, dhe shalqiri përmban sasi të konsiderueshme të tyre. Gjithashtu, një përmbajtje e lartë uji mund të ndihmojë në uljen e rrezikut të gurëve në veshka.

/Motilokal.com