Vijat ngrohëse (Warming Stripes) janë një mënyrë e thjeshtë dhe vizuale për të paraqitur ndryshimet e temperaturës në një periudhë të gjatë kohore. Çdo vijë përfaqëson një vit të vetëm dhe ngjyroset sipas mënyrës se si temperatura mesatare e atij viti krahasohet me mesataren afatgjatë.

Ngjyra blu tregon vitet që kanë qenë më të ftohta se mesatarja, ndërsa ngjyra e kuqe tregon vitet më të ngrohta. Sa më e errët të jetë ngjyra, aq më i madh është devijimi nga mesatarja klimatike.

Ekspertët theksojnë se vijat ngrohëse nuk paraqesin temperaturat reale, por ndryshimet e tyre krahasuar me një periudhë reference. Për këtë arsye, grafikët mund të duken ndryshe në varësi të burimit të të dhënave, periudhës bazë të zgjedhur dhe shkallës së ngjyrave të përdorura.

Megjithatë, pavarësisht dallimeve në paraqitje, mesazhi mbetet i njëjtë: planeti po ngrohet. Vijat ngrohëse janë kthyer në një nga mjetet më të njohura të komunikimit vizual për të ilustruar ndryshimet klimatike dhe për të nxitur diskutime mbi ndikimin e ngrohjes globale në mjedis dhe shoqëri.

/Motilokal.com