Kosova sot përjetoi një ndryshim të jashtëzakonshëm të motit. Pas një periudhe me diell të fortë dhe temperatura të larta, qielli filloi të ndryshojë me shpejtësi, duke sjellë re të dendura, shi të rrëmbyeshëm, erëra të fuqishme dhe stuhi lokale në disa pjesë të vendit.

Brenda pak orësh, pamja e atmosferës  ndryshoi tërësisht. Nga temperaturat e larta dhe qielli i pastër, vendi u përfshi nga moti i paqëndrueshëm, me reshje intensive dhe erëra që shoqëruan kalimin e stuhisë.

Por pas errësirës së reve dhe shiut, qielli dhuroi një pamje spektakolare. Me largimin gradual të reshjeve, mbi peizazhin e Kosovës u shfaq një ylber i madh dhe i plotë, duke krijuar një pamje mahnitëse mes reve të errëta dhe rrezeve të diellit.

/Motilokal.com