Një tornado e fuqishme përfshiu pjesë të Wisconsin-it lindor të hënën, duke dëmtuar mijëra ndërtesa dhe duke lënë shumë familje pa energji elektrike.

Pamjet e filmuara me dron tregojnë infrastrukturë të dëmtuar rëndë, pemë të rrëzuara dhe automjete të përmbysura në qytetin e Menashas, të lënë pas nga stuhia.

Zyrtarët e Menasha-s kanë shpallur gjendje katastrofe lokale, ndërsa ekipet e emergjencës po vlerësojnë dëmet dhe po largojnë mbeturinat.

Banorëve iu tha të evakuoheshin për shkak të rrëzimit të linjave të energjisë dhe rreziqeve të tjera. Strehëzat e emergjencës janë të hapura për banorët e prekur, ndërsa ekipet punojnë për të pastruar rrugët kryesore për shërbimet e emergjencës.

Familjet e prekura gjithashtu nuk kanë energji elektrike, dhe po flasim për mijëra njerëz. Shërbimet e emergjencës aktualisht nuk kanë informacion për ndonjë të lënduar.

Policia e mbylli qytetin për trafikun dhe i paralajmëroi shoferët të mos hynin në zonat e ndaluara.

/Motilokal.com