Kosova të martën pritet të ketë mot kryesisht të qëndrueshëm dhe të nxehtë, si pasojë e depërtimit të masave ajrore të ngrohta nga Afrika Veriore.

Gjatë ditës do të mbizotërojë mot me diell dhe temperatura mbi vlerat mesatare për këtë periudhë të vitit. Vapa do të përfshijë pjesën më të madhe të vendit, ndërsa kushtet atmosferike pritet të mbeten të qeta dhe pa ndryshime të theksuara.

Temperaturat do të shënojnë luhatje, me minimale rreth 18°C në orët e para të ditës dhe maksimale deri në 33°C gjatë pasdites.

Gjatë orëve të mesditës, indeksi UV pritet të jetë i lartë, ndaj këshillohet shmangia e ekspozimit të gjatë në diell dhe përdorimi i masave mbrojtëse.

/Motilokal.com