Të paktën 84 njerëz kanë humbur jetën ndërsa cikloni më i ashpër ka goditur pjesë të Bangladeshit dhe Indisë lindore, duke shkatërruar shtëpi, shkulur pemë dhe përmbytur rrugët.

Miliona njerëz janë strehuar në strehimore, pavarësisht rreziqeve që paraqet koronavirusi.

Mijëra shtëpi kanë mbetur pa energji elektrike pasi cikloni Amfan, me erëra prej afërsisht 170 km në orë ka dëmtuar shtyllat e energjisë elektrike, mure dhe çati, thanë zyrtarët të enjten kur filluan të vlerësojnë dëmet.

Banorët në qytetin Indian të Kolkata-s, u zgjuan në rrugë të përmbytura, me disa makina me dritare në ujë, dhe aeroportin e përmbytur.

"Ndikimi i Amfanit është më i keq se koronavirusi", i tha Mamata Banerjee, kryeministrja e Bengalit Perëndimor, për mediat lokale, duke thënë se të paktën 72 njerëz kishin vdekur në këtë shtet.

"Mijëra kasolle janë rrafshuar, pemë janë shkulur, rrugët janë përmbytur dhe tokat bujqësore janë shkatërruar", tha ajo.

Zyrtarët e Bangladeshit thanë se të paktën 12 njerëz kishin vdekur, përfshirë një djalë pesë vjeç dhe një burrë 75-vjeç - të dy të goditur nga pemët dhe një vullnetar i urgjencës është mbytur.

Ciklonet janë një rrezik vjetor dhe në rritje përgjatë bregdetit të Gjirit të Bengalit, duke kërceniar jetën e qindra mijëra njerëzve në dekadat e fundit.

Por vitet e fundit, megjithë një rritje në frekuencën e tyre që fajësohet pjesërisht për ndryshimin e klimës, sistemet e përmirësuara të paralajmërimit u kanë mundësuar autoriteteve që të përgatiten shumë më mirë./Motilokal.com