Në rast se zjarri përhapet dhe i afrohet shtëpisë suaj, është e rëndësishme të ruani qetësinë dhe të ndërmerrni masa për të kufizuar rrezikun dhe për të lehtësuar punën e ekipeve të emergjencës.

Rekomandimet kryesore:

Mos humbni vetëdijen dhe ruani qetësinë. Veproni me kujdes dhe ndiqni udhëzimet e autoriteteve.

Largoni materialet e ndezshme që ndodhen në afërsi të shtëpisë dhe, nëse është e sigurt, vendosini në vende të mbyllura dhe të mbrojtura, për të shmangur përhapjen e mëtejshme të zjarrit.

Mbyllni furnizimet me gaz dhe lëndë djegëse në afërsi të objektit, nëse kjo mund të bëhet pa rrezikuar jetën.

Siguroni qasje për automjetet e zjarrfikësve. Mos parkoni automjete ose mos vendosni pengesa në rrugët që mund të përdoren nga ekipet e emergjencës.

Ndizni dritat brenda ose jashtë objektit në rast se tymi ka zvogëluar dukshmërinë, në mënyrë që shtëpia të jetë më e lehtë për t'u identifikuar.

Nëse zjarri është shumë pranë objektit, mos rrezikoni jetën duke tentuar të shpëtoni sende. Largohuni në një vend të sigurt dhe ndiqni udhëzimet e zjarrfikësve dhe autoriteteve.

/Motilokal.com