Gjetja e një zogu të ngordhur mund të jetë një sinjal i rëndësishëm për qarkullimin e virusit të Nilit Perëndimor, pasi zogjtë luajnë rol të rëndësishëm në ciklin natyror të këtij virusi.
Autoritetet u bëjnë thirrje qytetarëve që të tregojnë kujdes nëse hasin një zog të ngordhur, qoftë në hapësira publike apo pranë banesave.
Në rast se gjeni një zog të ngordhur:
- Mos e prekni me duar të pambrojtura.
- Shmangni kontaktin e drejtpërdrejtë me trupin e tij.
- Raportoni rastin tek autoritetet përkatëse të shëndetit publik ose shërbimet veterinare.
Monitorimi dhe raportimi i zogjve të ngordhur mund të ndihmojë institucionet përgjegjëse në identifikimin e hershëm të qarkullimit të virusit dhe në marrjen e masave për parandalimin e përhapjes së tij.
/Motilokal.com
