Shtatë kontejnerë janë djegur vetëm gjatë natës në dy rrugë të Prishtinës, “Sylejman Vokshi” dhe “Avalla”. Lajmi është bërë i ditur nga Kompania Regjionale e Mbeturinave “Pastrimi”, e cila ka apeluar te qytetarët që të tregojnë kujdes dhe të mos hedhin mbeturina të ndezura në kontejnerë.
Nga kompania është theksuar se djegia e mbeturinave dhe kontejnerëve paraqet rrezik serioz për shëndetin, pasi tymi ndot ajrin në lagje dhe dëmton ambientin.
“Mos i digjni kontejnerët dhe mos hidhni mbeturina të ndezura”, është apeli drejtuar qytetarëve.
Gjithashtu, kompania rikujton se dëmtimi dhe djegia e kontejnerëve mund të ndëshkohet edhe me gjoba nga institucionet përkatëse.
Apeli i KRM “Pastrimi”: Kujdes me mbeturinat e ndezura, një veprim i pakujdesshëm mund të rrezikojë shëndetin, ambientin dhe pronën publike.
/Motilokal.com
