Ngushtica e Bosforit në Stamboll, që ndan pjesën evropiane dhe aziatike të Turqisë dhe lidh Detin Marmara dhe Detin e Zi, ka ndryshuar ngjyrën e tij në të bruztë, që ka shqetësuar po njëkohësisht edhe ka mahnitur qytetarët e Stambollit.
Duke folur mbi arsyet e mundshme të ndryshimit të ngjyrës, profesori Hüseyin Toros nga Universiteti Teknik i Stambollit tha për Agjencinë e Lajmeve Demirören (DHA) era e verilindjes është arsyeja e këtij transformimi.
“Organizmat njëqelizorë që janë tërhequr në Bosfor nga era verilindore krijojnë ngjyrën bruz në sipërfaqen e ujit me refraksion. Lëvizjet e ajrit në atmosferë, lëvizjet brenda ujit, mikroorganizmat e ndryshëm dhe ndryshimi i dritës së diellit gjatë ditës gjithashtu mund të shkaktojnë një ndryshim në ngjyrën e ujit", tha ai.
Gjithashtu thuhet se mund të bëhet fjalë për të ashtuquajturin "shpërthimi planktonik", respektivisht rritje e numrit të planktoneve, që janë organizma mikroskopik që qëndrojnë në det ose në tokë.
Toros shtoi se uji do të kthehet në ngjyrën e tij normale brenda dy ditësh./Motilokal.com