Pas qershorit dhe korrikut, edhe muaji gusht ishte muaji më i nxehtë në 40 vjetët e fundit. Sipas të dhënave të Shërbimit për Ndryshimin e Klimës Kopernikus, kanë konfirmuar se muaji gusht ishte 0.53 °C më i ngrohtë se mesatarja e të gjitha gushteve për periudhën e referencës 1981-2010.

Deri më tani, muaji gusht më i ngrohtë ishte regjistruar në vitin 2016, me një temperaturë prej 0.04 °C më të lartë se gushti i këtij viti.

Të dhënat tregojnë gjithashtu se ne jemi në rrugë për të përfunduar periudhën më të ngrohtë pesëvjeçare, pasi 2015, 2016, 2017, 2018 dhe tani 2019 mund të jenë periudhat më të nxehta. Megjithëse kanë mbetur akoma edhe 4 muaj në përfundim të vitit 2019, ekspertët parashikojnë se ky vit do të jetë një nga pesë vitet më të nxehta në histori.

Në pjesën më të madhe të Evropës, temperaturat mesatare në gusht ishin më të larta se mesatarja e periudhës 1981-2010. Përjashtim, me anomali të temperaturave negative, ishte Portugalia perëndimore, një pjesë shtrihet nga Skandinavia lindore dhe Rusia perëndimore. Në përgjithësi, anomalitë më pozitive të temperaturave u regjistruan në Evropën Jugore dhe Lindore.

Evropa ka qenë një nga kontinentet më të nxehta gjatë muajve të verës (me disa përjashtime), në shumicën e kontinenteve duke parë anomali pozitive të temperaturave. Nxehtësia e madhe përveç që ka ndikuar në jetën e njerëzve, ka prekur një zonë në Skandinavi, Rusinë veriore dhe Grenlandën shkrirjen e shpejtë të akullit në Arktik dhe në një numër të mirë të akullnajave evropiane.

Për më tepër, nxehtësia e madhe dhe lagështia relative e ulët kanë mbajtur gjallë zjarret shkatërruese të pyjeve, pasi vazhdojnë të digjen mijëra hektarë në të gjithë Arktikun.

Jashtë Evropës, anomalitë me temperaturë të lartë pozitive qëndrojnë në zonat e Siberisë, Kanadasë verilindore, ishullit Baffin, Alaska, Shteteve të Bashkuara Perëndimore, Afrikës Jugore dhe Antarktidës perëndimore. Zonat e tjera me vlera pozitive përfshijnë tërë Shtetet e Bashkuara Jugore, Meksikën, Azinë Qendrore dhe Kilin verior. Jo shumë zona kanë përjetuar anomali negative të temperaturës. Përveç atyre që përmenden tashmë në Evropë, zona të tjera që bien në sy janë Kanada veriore dhe qendrore, Jugut të Grenlandës, Antarktidës Qendrore Australiane dhe Sahelit Afrikan, ku ka shumë nevojë për shira.

Sa i përket ajrit mbi oqeane, shumica tregojnë për temperatura mbi mesatare. Temperaturat ishin veçanërisht të larta mbi oqeanet e rajoneve të Arktikut dhe Antarktikut.

Valët e nxehtësisë po bëhen më të shpeshta dhe po kontribuojnë në rritjen e numrit të muajve më të nxehtë. Sipas parashikimeve valët e të nxehtit do të bëhen më intensive, më të forta dhe do të zgjasin për periudha më të gjata. /Motilokal.com