Kemi hyrë në ditët e fundit të stinës së verës dhe po i afrohemi muajve të dimrit, ruajtja e shëndetit tuaj është shumë e rëndësishme. Ndërsa po hyjmë në stinën e vjeshtës, ndryshimet e temperaturave midis ditës dhe natës rritet, duke i bërë njerëzit të prekshëm nga sëmundjet infektive. Sipas Dr. Reşit Mıstık, mënyra më e mirë për të mbrojtur veten nga çdo sëmundje është të merrni vaksinat e nevojshme para dimrit dhe të lani duart sa më shumë që të jetë e mundur për të mbajtur larg mikrobet.

"Ekzistojnë vaksina për të mbajtur viruset sa më larg sistemit tonë, por për disa organizma, akoma nuk ka vaksina. Kështu që, për të mbajtur shëndetin tonë, është e rëndësishme që të lani duart tuaja gjatë gjithë ditës", tha Mıstık.

Pothuajse gjatë gjithë ditës, ne prekim gjëra të shumta dhe më vonë vendosim duart tona drejt syve, gojës dhe lëkurës, të cilat janë të gjitha të hapura ndaj viruseve dhe organizmave të tjerë. Me duart tona, ne mund të mbajmë mikroorganizma në sistemin tonë tretës dhe të frymëmarrjes.

"Në 50 për qind të rasteve të ftohjes, ne shohim që virusi futet në trup përmes duarve të ndyra. Ne duhet të jemi të kujdesshëm gjatë kollitjes dhe teshtitjes në mënyrë që të mos infektojmë njerëzit e tjerë. Çfarëdo që të bëni, sigurohuni që të pastroni duart gjatë ditës", shtoi Mıstık./Motilokal.com