Të gjithë ata që mendojnë dhe shpresojnë që jeta jashtë planetit Tokë ekziston, dhe ndodhet më afër sesa mendojmë, në sistemin tonë diellor, i referohen zakonisht planetit të kuq, Marsit.
NASA dhe kompania Space X e Elon Musk po mendojnë që të dërgojnë për herë të parë njerëz në atë planet brenda kësaj dekade, gjasat janë që jeta të jetë më e mundshme në një tjetër trup qiellor.
Europa, jo kontinenti në të cilin jetojmë, por bëhet fjalë për satelitin e planetit Jupiter.
Është më i vogël se Hëna, Europa ka tërhequr vëmendjen e astronomëve ndërkombëtarë veçanërisht në vitin 2016, kur teleskopi hapësinor Hubble zbuloi në sipërfaqen e saj një fenomen tipik tokësor, avull i nxehtë që shpërthente në sipërfaqen e tokës, siç ndodh në Islandë dhe në shumë zona veriore të planetit me gejzerët.
Ky fenomen që ka nevojë për një element aq të kërkuar nga çdo shkencëtarë është uji.
Dhe me sa duket vërtetë Europa është e pasur me ujë, madje mund të thuhet se poshtë një shtrese akulli sipërfaqësore ndodhet një oqean që mbulon të gjithë satelitin, me karakteristika të ngjashme me ato tonët.
Shkencëtarët mendojnë se kushtet për zhvillimin e jetës aty janë më të mundshme se kudo tjetër në sistemin tonë diellor, përtej Tokës, dhe mendojnë se eksplorimet serioze do të fillojnë vetëm pas një dekade, pas eksperiencës së mbledhur që do të vijnë nga eksplorimi i Marsit./Motilokal.com
