NASA ka njoftuar se ka zbuluar një planet që sillet rreth orbitës së një ylli që ndodhet pranë nesh. Planeti i ri është i përafërt me Neptunin në madhësi.
Ai vërtitet rreth një ylli të quajtur A-U Microscopii që është rreth 150 herë më i ri se dielli i sistemit tonë.
NASA njoftoi se e pikasi planetin me satelitë dhe teleskopin “Spitzer”.
Në njoftimin e NASA-s thuhet se që prej 10 vitesh kanë qenë në kërkim të një planeti që sillej rreth orbitës së këtij ylli, shkruan cnn news.
Studimi i sistemit të këtij ylli është i rëndësishëm, pasi sipas NASA-s mund të sigurojë të dhëna për të mësuar më shumë mbi formimin e planetëve dhe atmosferës rreth tyre dhe mënyrën se si ata ndërveprojnë me yjet e tyre.
Një rrotullim i planetit në fjalë, i quajtur AU Mic b, rreth yllit të tij, zgjat 8.5 ditë në Tokë. Ylli në fjalë gjithmonë i ka intriguar astronomët. Ai është 20-30 milionë vite dhe i rrethuar nga gazi dhe mbetje që kanë dalë nga formimi i tij./Motilokal.com